.!آپ بھی کر کے دیکھیں

جے۔ڈاٹ سے برانڈڈ سوٹ خریدتے ہوئے جب اس نے کیشئر کو 9 ہزار 5 سو روپے ادا کئے تو وہ اس لڑکے کو بالکل نہیں بھولا جس نے اسے کئ سوٹ دکھانے اور ٹرائی دینے میں ہیلپ کی ، جیب سے دو سو نکالے اور اس لڑکے کی ہتھیلی پہ رکھ دئے کیونکہ اسے پتہ تھا کہ یہ سمارٹ سا نوجوان اچھی ڈریسنگ میں ہے لیکن یہ جے۔ڈاٹ کا ملازم ہے مالک نہیں .
بور جان سے شوز لے کر جب وہ باہر نکلا تو دروازے کے عین پاس میں کھڑے نیلی وردی میں ملبوس چوکیدار کو سو روپے تھما دئیے کیونکہ اسے پتہ تھا کہ کروڑوں کی پراپرٹی اور بزنس پہ تعینات یہ سیکورٹی گارڈ محض چند ہزار ماہانہ کے عوض یہاں پہ ملازم ہے .
اپنی گاڑی میں پٹرول پمپ سے دو ہزار کا تیل ڈلوا نے کے بعد اس نے فٹافٹ سو کا کرارا نوٹ نکالا اور آئل فلر بوائے کی ہتھیلی پہ رکھ دیا " بیٹا ناشتہ کر لینا "یقینا وہ جانتا تھا کہ یہ بیچارہ پٹرول پمپ کا مالک نہیں اور اس خلوص کو دیکھ کر اس لڑکے کی آنکھیں عقیدت سے چمک اٹھی ہوں گی.
وہ اپنے دوستوں کے ہمراہ اچھے ریسٹورینٹ سے 9سو 99 روپے پرہیڈ ہائٹی کرکے نکلا تو اس نے بیرے کو بالکل فراموش نہیں کیا ، اس کے ہاتھ پہ دو سو روپے رکھنے سے اس کی شخصیت میں نکھار آگیا .
ہئیر سیلون میں بالوں کی تراش خراش کرنے کے بعد اس نے خدمت سرانجام دینے والے لڑکے کو دو سوروپے پکڑا ئے تو اسے اضافی سکون میسر آگیا.
جب اس طرح کی خیرات سے اسے سکون ملنے لگا تو یہ عادت بنا لی ، ایک بکس لیا اور گھر میں رکھ دیا ، معمولی بچتیں اس میں ڈالتا جاتا ، رات کو بخیرو عافیت واپس پہنچنے پہ وہ سو روپے خیرات اسی بکس میں ڈال دیتا ، اور ایک دن وہ بکس بھر گیا، اس نے اپنے بیٹے کو ساتھ لیا اور دور دراز کے گاؤں میں ایک نادار فیملی کو گھر کا راشن ، اناج اور دیگر ضروریات مہیا کردیں .
اور پھر یہ اس کی عادت بن گئی ، جوتے پالش کروانے ہوں یا سبزی لینی ہو ، فروٹ کی خریداری ہو یا کوئی اور شاپنگ ۔۔۔ اس نے نچلے طبقہ کو نوازنا شروع کردیا اور اس عمل سے اس کے رزق میں خیروبرکت کے دروازے کھلتے چلے گئے.
اگر آپ کسی کو سخی ہاتھ سے نوازتے ہیں تو اوپر والے ہاتھ کو اوپر والا بھی سخاوت سے نوازنے لگ جاتا ہے ، اس لئے آئیے اپنی خوشیوں میں غریبوں کو شامل کریں ، یقیناً ہمارا یہ عمل کئی لوگوں کو مسکان دے سکتا ہے.
جہاں تک ممکن ہو اور جس حد تک مناسب ہو لوگوں کو آسانیاں دیتے جائیں

7 Likes

Very nice :clap::clap::clap::clap::clap::clap::clap::clap:

1 Like

thanks dear

1 Like

Subhan Allahh! Ye baat blkl sach hy k jab jab ap khuls e niyat se ksi ki madad krty hyn tab tab Allahh kaee gunaa brha kr apko nawazta hyy! Masha Allah! :heart:

Agar do Allah ko tw acha qarz dena
Wo dugna kre isko tmhary lye or tmko bakshy!

1 Like